Dispac'h!
Tropelée de la gaoche deheûdist bertone
Qhi qe je somes ?
La tropelée Dispac’h a dessein d’acouraijer le monde a entrer den la paisserie bertone.
Dispac’h ét ene tropelée qi fut minze subout en 2018. O rassembele des paissou·ze·s des cinc departements bertons, q’ont beleben de meyens d’espression. O fut conue, permier, raport a la qhession du lojement, e o prend part a beleben de luteries partout oyou q’ole ét.
A notr aperçue, y’a ben un peupl berton, qe ses desirs sont tenant carteyës par un pouvair centralizë a Pariz, ou ben core par des elezus du paiz qi ne vaient ren qe den les partis.
Je somes d’aviz q’en pus d’exister par ses langues e sa qhulture, le peupl berton ét un terreau vrâ poussant pour fére s’eblucer la revolucion e toutes sortes de recllameries sociales.
Deheûdist
Je somes pour ene democracie de paiz oyousqe le monde s’entr-aranjeraent den des assembllées, perpozeraent e voteraent les louéz, qi seraent minzes ao roule par des elezus o un mandat revocabl. Deça, c’ét net conseqent qe le monde araent d’ouvraijer mouins a sour fin qe les pus engheûzë·ée·s araent du temp e de l’endon assë pour prendr part és assembllées-la.
Revolucionéres
L’esplouatézon economiqe de notr environement e du monde, l’aotoritarism politiqe de toutes sortes, les opressions raport ao genre, a la race, a la cllasse, a nos parlements e ben pus core, j’avons de luter contr qhulturellement e politiqement.
Internacionalists
La defense des parlements e filomies de nos teritouéres a d’étr ouverte e solidére o tous les peupls qi sont a se revousser den le monde.
Nos articls
Haopée a l’unitë d-s ouveriér·e·s berton·e·s
Haopée a l’unitë d-s ouveriér·e·s berton·e·s Dedpès qe ça fut concrayë, la devocion de Dispac’h ét d’amain déheûdist e revolucionist. ...